L'Asino
|
Edission original: |
Collezione delle migliori opere scritte in dialetto veneziano, Volume duodecimo: Poesie di autori diversi, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 12.djvu |
| Edission e fonte ▼ |
Un Contadin da un so' Compare è andà
A ricercarghe in prestio el so Somaro
Per andar al Mercà;
E l'altro dito ga: Compare caro,
5Mi volentiera ve farìa el piaser,
Ma con mio despiaser
No ve posso servir, che a un mio vesin,
L'ò dovudo imprestar
Per andar al Molin.
10In sto mentre mo l'Aseno a ragiar
Se è messo a una maniera
Che à fato ben capir che in stala el gera.
Come ò da creder mai, Compare mio,
El primo à replicà, co' l'à sentìo
15Mo l'Aseno a ragiar, che veramente
Lo abiè imprestà a nessun, quando el se sente
Anzi adesso a ragiar? L'altro à sogionto:
Oh la sarave bela che in confronto
De l'Aseno, Compare, me metessi,
20E che piutosto a lu che a mi credessi!
No ocore replicar
A l'omo che servizio no vol far.