L'altro dì un zaffo laro, mariol
|
1557
|
|
Edission original: |
Andrea Calmo, Le bizzarre, faconde, et ingeniose rime pescatorie, Nelle quali si contengono Sonetti, Stanze, Capitoli, Madrigali, Epitafij, Disperate, e Canzoni. Et il Commento di due Sonetti del Petrarca, in antiqua materna lingua, In Vinegia, appresso Iseppo Foresto, 1557 |
|
Fonte: |
| ← Von sabbao a tessera a comprar vin | Edission e fonte ▼ | Stanze → |
L'altro dì un zaffo laro, mariol,
A caminando in pressa in merzaria,
Me zapè su i calcagni da drio via
Sì fattamente, che anchora el me duol.
Le san, e salvo missier Caraguol,
Che no me lasserave dir busia,
Perche el me vosse dar una mentia,
El pestì a mo el sabion d'un'oriol.
Puo ghe ditti in ti fianchi co i pantofoli,
Digandoi villania poltron gaioffo.
Mocandoghe'l mustazzo con i occhi.
Va porta via ghe dissi mo sti zozzoli,
E fora zonta ghe doniti un goffo,
Che i fi tremar le viscere, e i zenocchi.