L'amore timido
|
Edission original: |
August Kopisch, Agrumi, Berlin, Verlag von Gustav Crantz, 1838 |
|
Fonte: |
| Edission e fonte ▼ |
Idolo del mio cor,
Ardo per vu d'amor!
E sempre, oh mia speranza,
S'avanza... el mio penar!
5Vorria spiegar, oh cara,
La mia passion amara;
Ma un certo, non so che, ...
Non so, se m'intendè? ...
Fà che non so parlar.
10Quando lontana sè,
Quando no me vedè,
Vorria, senza parlarve,
Spiegarve... el mio dolor:
Ma co ve so arente,
15Non son più bon da gnente,
Un certo non so che, ..
Non so, se m'intendè? ...
Me fà serrar il cuor.
Se in viso mi vardè
20Fursì conoscerè
Quel barbaro tormento
Che sento ... int' el mio sen
Dissimular vorria
La cruda pena mia;
Ma un certo, non so che, ...25
Non so se m'intendè?...
Mi dise: el te vol bèn.
Mio primo amor vu sè,
E l'ultimo sarè;
E se ho da maridarme30
Sposarme... voi con vu.
Ma cara, femo presto,
Vorrave dir el resto,
Ma un certo non so che, ...
Non so, se m'intendè, ...35
Non vuol che diga più.
Peno la morte el dì
Per vu sempre così
Sta pena (se ho da dirla)
Sofrirla... più non so!40
Donca per rimediarla,
Cara, convien che parta;
Ma un certo non so che, ...
Non so, se m'intendè? ...
45Fa che parlar non so.
Sento che dise Amor:
"Lassa sto to rossor,
E spinga quel tormento,
Che dentro il cuor ti gh'ha!"
50Ma se a parlar, mi provo,
Parole più non trovo,
E un certo non so che, ...
Non so se m'intendè? ...
Pur troppo m'ha incantà!