L'anema umana, prima de vegnir
L'anema umana, prima de vegnir
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← Vago pensando al tempo, che gò perso | Edission e fonte ▼ | L'anema è un puro spirito, e mi'l credo → |
EL CHIAVAR XE LA SOLA IDEA INNATA.
SONETTO
L'anema umana, prima de vegnir
Nel nostro corpo, ogni virtù la gà,
Ma tutto pò la perde, co l'è quà,
4Che la materia ghe la fà svanir.
Un maestro, ch'assae ben ghe sappia dir,
Al dito de Platon, altro no fà,
Che recordarghe quelle, che la sà,
8E farghe le idee innate sovvegnir.
Me par, che sta opinion possa fallar,
Quando bisogno ghè d'una persona,
11Che tutto qaanto n'abbia da insegnar.
Un'idea innata, che no ne cogiona,
Xe veramente quella del chiavar,
14Che gnessun no n'insegna andar in Mona.