L'apoteosi

by Giglio Padovan

3 L'apoteosi Rime in dialetto veneto di Polifemo Acca Adio a le Muse Giglio Padovan 1875 XIX Soneti triestin

Indice:Rime in dialetto veneto di Polifemo Acca.djvu

Giglio Padovan ―  Rime in dialetto veneto di Polifemo Acca

L'apoteosi

1875

Edission original:	Giglio Padovan, Rime in dialetto veneto di Polifemo Acca, Trieste, Appolonio & Caprin, 1875
Fonte:	Indice:Rime in dialetto veneto di Polifemo Acca.djvu

←  Adio a le Muse

Edission e fonte ▼

L'APOTEOSI

     Numi, se un zorno podarò montar
Per le scale de sea¹ nel paradiso,
E se fra i cori del beato Eliso
La falilela podarò cantar;
     Se i pani d’oro podarò gustar,
E aver la grazia de vardarve in viso,
Da la rosa de Gerico al narciso
Come farfala podarò svolar;
     Tuto 'l dì no farò che matizar
Fra i nuvoli scrivendo i mii verseti,
Che intorno a i fiori ve farò stampar.
     No domando la gloria o la pension
Che gode in cielo i spiriti perfeti:
El titolo me basta de bufon.

---

Note

1. Seta.