L'educazion
|
Edission original: |
Giovanni Battista Casti, Scherzi poetici di vari celebri autori italiani e veneziani raccolti da G.B.C., Venezia, Tip. Molinari, 1834 |
|
Fonte: |
Indice:Scherzi poetici di vari celebri autori italiani e veneziani.djvu |
| Edission e fonte ▼ |
Devotissimo servo Reverendo,
Voria darghe a un mio putto educazion
E per fama sincera ancuo savendo
Ch'ella nell'educar detta a bon ton,
M'à piasso de mandarla a importunar,
Perchè se andemo, come spero, intesi
La vogia sto mio fio ben arlevar,
Ma in forme le più proprie e più cortesi.
Esser deve adatà tuto al so rango,
Ella conosce ben quel che convien
Al N. al U. che no xe plebe e fango,
E come in educar se se contien.
„ Capperi s'io lo so quel che s'addice
„ A chi naque fra l'oro e la grandezza,
„ Io lo conosco ben quanto disdice
„ Un grande addottrinar con troppa asprezza.
„ Son discepoli miei vari Signori,
„ Niuno il sistema mio di lor rimbrotta,
„ E s'io non colgo fra' maestri allori,
„ Piace a tutti però la mia condotta.
„ Come stiamo a talenti? oh bagatelle
E1 xe un fio che me fa strasecolar.
La so penetrazion toca le stelle
Tutt'el fa ben quel ch'el se mette a far.
L'è fornio de memorie, e in che maniera,
E basta che ghe diga, in un mesetto
Senza studiarghe drio gnanca la sera,
El se impara benissimo un sonetto,
Forse me tradirà l'amor de pare,
Ma l'accerto che quando el lo declama,
L'è da magnar per quelle forme rare...
Curte no so s'el sia sonetto o drama.
De quindes'ani el querse a maraveggia
Le parole segnae sull'esemplar,
Nè el caso mai se dà che mi el correggia
Perchè quando ch'el vol, nol sa fallar.
Pochissimo inclinà l'è alla lettura,
Bella, quel combinar ghe secca assae,
E mi nol strussio, perchè gò paura
Ch'el me vaga a chiapar delle scaldae.
El balla po benin che me contento,
De spada el sa tirar passabilmente,
E [...] chi l'urta, in un momento
Lu deventa una vipera, un serpente.
E mi che cognosso per l'esperieza
El so cuor, la so forza el so coraggio,
Perchè no l'intra in qualche dispiacenza
La [...] un dì go sfregolà coll'agio.
Oh alle curte l'è un fio che xe un zogello
E mi el vogio educar come convien,
Cossa insegnar la ghe vol mai de bello
Perchè un omo el riessa, e presto, e ben?
„ Sensibile all'onor che mi vien fatto
„ Prescelto essendo a precettor del figlio
„ Pronto sono a servirla, ed io m'adatto
„ Volentieri e coll'opra e col consiglio.
„ Additerolle un metodo il più chiaro,
„ Il più proprio a istruirlo in varie cose,
„ E dal sistema mio ch'è forse raro
„ Fra poche spine troverò le rose.
„ Vo' dir che se non giungo in un momento
„ A farlo dono della mia dottrina,
„ Almen col tempo coglierò l'intento,
„ Se solo un poco ad ascoltarmi inclina.
„ Uopo è mostrargli con pazienza prima
„ Della lingua natia gli erudimenti;
„ Io farò poscia ch'egli acquisti stima
„ Di quei che dimostrar genio e talenti.
„ I cantori di Laura e di Beatrice
„ Farò che a tempo egli a gustare apprenda,
„ E chi sa che di genio assai felice
„ Non scriva carme che famoso il renda.
Alto là, Reverendo, in ste fature
No vòi che mio sior fio mai se n'impazza,
Anzi per questo la risparmia cure,
Xe i poeti e i squartai tutta una razza.
„ Dai versi dunque lo terrò lontano,
„ E se accomoda meglio a sua Eccellenza,
„ Farò di tutte perchè a meno a mano
„ Ei giunga a posseder qualch'altra scienza.
„ Lo farò Matematico se vuole,
„ Filosofo il farò se lo desía,
„ E alternando a vicenda in queste scuole,
„ D'un lieto sguardo il mirerà Sofia.
Adasio, anca su questo, Reverendo,
Sta Sofia xela nobile, o plebea?
Che se lù se inamora, oh non intendo
Ch'el la possa sposar gnanca in idea.
„ Mi canzona, Eccellenza, e chi non sa
„ Che fu dessa la Dea sempre del saggio,
„ A cui per lungo seguito d'età
„ Ogni ingegno il più illustre ha reso omaggio?
Sì sì la dise ben, mi andava drio
Co una certa Sofia da Canaregio,
Adesso me sovien; dunque a mio fio
La ghe fazza imparar quel che va megio.
„ Farò di Francia che la lingua apprenda...
Xella matto perdia? gnanca in insonio,
Basta che a dirme citoaien l'intenda,
Perchè mi vegna subito un demonio.
Padetout, no lo vòì gnanca de bando,
De quella abilità no me ne importa,
Piuttosto el Turco, ch'el sarà bon quando
Bailo sicuro i lo farà alla Porta.
„ Potrò nel Greco farlo edotto assai;
„ Basta ch'ei porga orecchio al mio consiglio,
„ Come tanti, tant'altri io vi educai
„ Potrò educar di sua Eccellenza il figlio.
Và benon, son contento, adesso andemo
A sentir quello che ghe devo al mese,
Adesso el nostro calcolo formemo,
Se l'allogio la vol, se la vol spese.
„ Sua Eccellenza B.C. mi passa ogn'anno
„ Cinquantasei zecchini, e poi per gionta
„ Un vestito di seta, uno di panno...
„ Or ved'ella il mio premio a quanto ammonta.
Gli do lezioni una sol volta al giorno,
» E un paio d'ore sol sono obbligato,
» Ma di frequenti a lui faccio ritorno
„ Mentre brama vedermi, ed ei mi è grato.
O Reverendo mio, no se fa gnente,
A mi no me convien tutta sta spesa,
Che se tutti ghe dà quel che se sente,
Mi spendo per mio fio quel che nol pesa.
Al so mestro de ballo, un zecchinetto
Ghe dago al mese, e l'è contento assae,
Col so mestro de spada, e ghe prometto
Che trenta lire no le ò mai passae.
E sì la vede che a parlarse chiaro
Quella xe una fadiga assae maggior,
Mi ghe protesto che no son avaro;
Ma sta spesa incontrar mi no go cuor.
Credea che a darghe vinti soldi al dì
I podesse bastar, ma le pretese
Passa de troppo, Reverendo, e mi
No vado certo a far tutte ste spese.
Za bisogno nol gà de certa scienza,
L'è ricco, e basta quel come lo tsà,
Perchè el vegna in sostanza, o in apparenza
Credudo un talentazzo in società.
L'è da matti el desfarghe el patrimonio
Per insegnarghe un mar de rompitesta,
O Reverendo mio, no mel insonio,
La prima qualità vói che ghe resta.
E cussì licenziando el sior Maestro
L'à el putto incoraggido a seguitar,
Ma senta strussie, e co ghe salta l'estro,
A querzer le parole, e a combinar.
Cussì con poca spesa i l'à provvisto
De quanto fa bisogno a dottorarse;
Cussì Zelenza Padre à ben provisto,
Perchè un omo lu possa un dì mostrarse
In più nobile forma un zorno esposta
Questa xe stada da un sovran Poeta,
Ho caminà su quelle trazze apposta,
Mi trista coa de quella gran cometa.
Ecco l'educazion della zornada
Propria per darse d'eruditi el ton:
Ballar un poco e manizer la spada
Forma qualunque ricco un Ciceron.