L'imbriago
|
Edission original: |
Umberto Spanio, Un toco de vita veneziana, Poesie in dialeto de Grilo, Venezia, Tipografia Antonelli, 1890 |
|
Fonte: |
Indice:Un toco de vita veneziana, Venezia, Antonelli, 1890.pdf |
| ← Fra veci | Edission e fonte ▼ | Al tragheto del muniçipio → |
Va in malora, va là, bruto fionasso
Porco d'un imbriagon! — Eh, ghe scometo,
Va a finir za che un segno te lo fasso! —
Erce remengo! — Fala par dispeto!
Andemo, bogia ela, sto nitrasso... —
Erce tigre! lassar senza un paneto
To muger e to fioi! bruto becasso! —
Vienla a bevar sto nitro? — Andemo in leto! —
Molime sa.... sta zozo.... co' le man.... —
Porco fotuo, xe un boto. Ah che Dio fasse!... —
Er-na-ni Er-na-ni.... Canta, fiol d'un can!
La questura! magari i te ligasse!
Adesso sì ti tasi; ah! ciò, rufian? —
Ghe sbiro.... so Talgian.... pago le tasse! —