EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
L'omodemondo

 Edission original:   

Lodovico PastòPoesie edite ed inedite de Lodovico Pastò venezian, scritte nel so natural dialetto, Venezia, Giuseppe Molinari, 1822

 Fonte:

Indice:Poesie edite ed inedite de Lodovico Pastò venezian.djvu

Edission e fonte ▼
[p. 78 modifica]
L'OMODEMONDO.


Omodemondo vu?
     Oh, questa no l'inghioto,
     E se 'l disè dasseno,
     Per crispo, che sè coto!
     5L'omodemondo è un ente
     Afato imaginario,
     Stè certo, caro Toni,
     Lo digo, e no zavario:
     L'Omodemondo è quelo,
     10Che è pien de convenienza:
     Che adopera el saver
     Unito alla prudenza:
     Che a vincer le passion
     A' prencipià da puto:
     15Che è sordo co bisogna,
     E co bisogna muto!
     Che mai se fa prezioso,
     Nè mai se tien in bon:
     Che cerca de trovarghe
     20In tuti un fià de bon:
     Che a tuti ghe dà el soo:
     Che parla poco, e giusto,
     Ch'è è sempre quel'istesso,
     Anca col xe in desgusto:
     25Che no cura i tesori,
     Ma 'l necessario sprezza:

[p. 79 modifica]

     Che fuge la gran moda,
     Benchè nol la disprezza:
     Che mai se vede in colera,
     30Nè mai de mal umor,
     Se nò quando i lo toca
     Dasseno su l'onor:
     Prerogative tali,
     Che fa, che tuti el brama,
     35Che fa, ch'ognun lo stima,
     Che tuti quanti l'ama.
     Ma dove xelo mai
     Un omo cussì fato?
     Se ve metè a cercarlo,
     40Perdia! deventè mato.
     Dei omeni de sesto
     Ghe n'è per tuto el mondo;
     Ma el gesto solamente
     No fa l'Omodemondo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=L%27omodemondo&oldid=52387"