La Corrispondenza
|
Edission original: |
Collezione delle migliori opere scritte in dialetto veneziano, Volume duodecimo: Poesie di autori diversi, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 12.djvu |
| Edission e fonte ▼ |
Un fogio t'ò mandà, Betina cara,
Nel qual mì te parlava de l'amor
Che porto al to' museto, e de l'ardor
4Che m'à impizzà la to' belezza rara;
Ma ti, cagnazza, a la mia pena amara,
Mentre che mi tuto te dago el cuor,
D'una letera toa darme l'onor
8Gnanca ti vol? Oh ti xe pur avara!
Un fogio too lo pagherìa un zechin,
E lo conservarave, tel protesto,
11Come una zogia sempre nel borsin;
Se contentar no ti me vol mo in questo,
Tornime donca el mio, che, poverin,
14Farò ch'el serva per furbirme el cesto.