La Giustizia dei Preti è buzarona
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← Zonta là in Ciel, dove s'imparadisa | Edission e fonte ▼ | Sodoma è sta brusada per Decreto → |
La Giustizia dei Preti è buzarona;
Pratichè 'l Stato del Pastor Roman,
E vederè, per Dìo, pezo d'un Can
4Trattada nella Leze ogni persona.
Là, per Cristo, ghe vuol buona borsona,
Se nò in Galìa vù andè col remo in man,
O per le strade a mendicar el pan,
8Se i sà, che per diletto sè stà in Mona.
E pò; oh cosa orrenda, che v'atterra!
I Capi lori i xe de quel bordello,
11Che crìa vendetta in Ciel, e ancora in Terra.
No ghe basta la Mona, ma bel bello
I coltiva 'l Bardassa, e i te lo serra,
14E i te ghe cazza in Cul tanto d'Osello.