La Musa ze straca
|
Edission original: |
Carlo Rumor, Chi le conta xe qua, Venezia, Scarabellin, 1904 |
|
Fonte: |
Indice:Rumor - Chi le conta xe qua, Venezia, Scarabellin, 1904.pdf |
| ← La crítica | Edission e fonte ▼ | Roba imprestada o persa o donada → |
Verseti,
soneti,
xe za terminai,
per mi xe oramai
finio el morbin!
Se puza,
me ruza
viçin la mia recia
la Musa: — za vecía
mi so per cantar;
so straca,
la fiaca
m'ha fato poltrona,
più dura, zucona
devento ogni dì.
La rima
de prima
che, senza fadiga
dolçissima amiga
la gera de ti,
che piena
de lena,
te scalda la testa,
più furba, più lesta
de quel che no par;
che, pronta,
la monta
in çima al çervelo
co l'estro più belo
che dir no se pol;
che, senza
pazienza,
zogando, s'un salto
se buta da l'alto
sul to tavolin;
vilmente,
per gnente,
se mete da parte,
secada de darte
la so protezion.
E adesso
ti stesso
per far un verseto
ti ga, povareto,
ti ga da strussiar.
Verseti,
soneti,
xe za terminai,
per ti xe oramai
finio el morbin. —