La Venetiana/A l'ilustre signor
|
Edission original: |
Giovan Battista Andreini, La Venetiana, Comedia de sier Cocalin de i Cocalini da Torzelo Academico Vizilante, dito el Dormioto, dedicà al molto ilustre sig. Domenego Feti depentor celeberimo, Venezia, Alessandro Polo, 1619 |
|
Fonte: |
| Edission e fonte ▼ | Prologo → |
Signor sempre Talìa
Hozi in Palco è toscana,
Nò me piase sta sia,
5La xè massa nostrana:
Comedia pur galante
In Pavan fè Ruzante,
Altri in Grego, e in Latin
Fù Comico divin,
10Mi con l'esèmpio in man
Ve scrivo in Venetian.
Notè un puoco sti tiri,
Sti spasemai d'Amor,
Vardè com'in sospiri
15Per la bota inse un cuor.
E tal bota ridè
Cò del grasso trovè:
Nò me disè insolente,
Ch'al decoro vò drio de questa zente.
20Ghe sarà ben qualcun
Che me darà la berta,
E me dirà; Poeta
Te sia dà la coverta.
Mi nò stimo negun
25Pur ch'à vù mi deleta;
Tempo è de star co i Santi,
E tempo de scrizzar spesso co i Fanti
Tiolè FETI una feta
De stò niovo melon,
30Vel mando per stafeta
Spuè, sel nò xè bon;
Cape sante nò mando, ò Grancipori
De i campi d'ADRIA fiori,
O Cievali impastai da buon buelo;
35Ma fruti de Torzelo.
Daspuò tiolto un bocon
Mandene in vesinà;
El porave esser bon
A qualcun ch'è soià:
40Vù che se Fiorentin
Ghe zuzzerè intorno,
E con un fregolin
Ghe starè tuto un zorno;
Deghe el taio de cuor,
45Che vù el gusto n'havrè, e mì l'honor.
De Torzelo el dì primo,
C'hà Novembrio in tel fin,
Ve scrive Cocalin
El vostrissimo Grimo;
50L'ano nò mel recordo
Direme; Oh bestia, e pò sarem d'acordo.