La barchetta

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Pietro Buratti

La barchetta
(La note xe bela)

musicà da
Giovanni Battista Perucchini (18..)
Reynaldo Hahn (1901)

Citassion de sto testo

Edission original:	Collezione delle migliori opere scritte in dialetto veneziano, Volume ottavo: Poesie di Pietro Buratti, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 8.djvu

Edission e fonte ▼

[p. 29 modifica]

LA BARCHETTA

CANZONCINA PER MUSICA

La note xe bela,
     Fa presto, Nineta,
     Andemo in barcheta
     4I freschi a chiapar.
Che gusto contarsela
     Soleti in Laguna,
     E al chiaro de Luna
     8Sentirse a vogar!
A Toni go dito
     Che 'l felze el ne cava
     Per goder sta bava
     12Che supia dal mar.
Ti pol de la ventola
     Far senza, mia cara,
     Che i zefiri a gara
     16Te vol sventolar!
Se gh'è tra de lori
     Chi tropo indiscreto
     Volesse dal peto
     20El velo strapar,

[p. 30 modifica]

O chi sul zenochio,
     Le alete formando,
     Magior contrabando
     24Volesse tentar,
No bada a ste frotole,
     Soleti nu semo,
     E Toni el so remo
     28L'è atento a menar.
Nol varda, nol sente,
     L'è un omo de stuco,
     Da gonzo, da cuco
     32A tempo el sa far.