La barufa
|
Edission original: |
Luigi Bampo, Miscellanea o trentacinque cose per trentacinque soldi, Treviso, Francesco Andreola, 1828 |
|
Fonte: |
Indice:Bampo - Miscellanea o trentacinque cose per trentacinque soldi, Treviso, Andreola, 1828.pdf |
| ← La medicina inutile | Edission e fonte ▼ | La burla ricambiata → |
XIII.
La barufa.
********
Per na parola storta
Do femene se taca su la strada;
Prima le se strapazza, e po de bota
Le se fronta infuriade, e le scomenza
Cole ongie e coi denti
A remenarse senza complimenti.
Dirlo no fa bisogno,
Un bossolo s'à fato, che godeva
La guera feminina.
Ma un degno galantomo, che à capio
Che l'afar gera serio,
Ale do combatenti per da drio
Tagiando le cordele,
De molarghe le cotole el se pensa;
E xe sta bon l'efeto.
Che s'à stuà quel fogo
E la rabia al pudor ga cesso el logo.