La bela grazia che à buo el Zapi un dì
|
Edission original: |
Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 4.djvu |
| ← LIV | Edission e fonte ▼ | LVI → |
La bela grazia che à buo el Zapi un dì
De poder veder el Museo d'Amor,
S'à degnà Amor de farmela anca a mi,
4E son restà de sasso per stupor.
Quanto dise aver visto quel Autor
Xe tuto tuto vero, Siori sì,
E tuto quel che 'l conta e che 'l discor,
8Lo go catà, e 'l go visto, e 'l xe cussì.
Na sola cossa go trovà de più;
E xe una nichia tuta tempestà
11De brili e perle co un gran spechio su:
Cossa à da starghe, Amor? gh'ò domandà:
— Quela gran Drezza, m'à resposto lu,
14Che tanto onor a tuti do ne fa.