La campana de la pace

by Attilio Turco

3 La campana de la pace Sonetti Veronesi Sonetti Veronesi/Parte V - Trento e Trieste La vosse dei Morti El se marida presto Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte V - Trento e Trieste

La campana de la pace

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  La vosse dei Morti

Edission e fonte ▼

El se marida presto  →

LA CAMPANA DE LA PACE

(4 Novembre 1918)

L'ARMISTIZIO

Sona, sona! campana benedeta!
     Fate presto sentir ai quatro venti!
     Gh’è meiara¹ de rece che te ’speta
     E meiara de cori su l'atenti!...

Sona, sona! sta guera maningreta
     Ormai l'è vinta! Sona, che momenti
     L'Austria, testona, la sarà costreta
     A pagar, sensa tanti complimenti!

Sona campana! el popolo se spera
     De averghe pace, e d'essar compensà
     Dei sacrefissi fati par sta guera,

Che tanto sangue, e pianti l’à costà!
     Sona campana, boti² alegri e forti,
     Che i te possa sentir, i vivi e i morti!

---

Note

1. meiara ― miliaia;
2. boti ― rintocchi.