La confarenza de Genova
|
Edission original: |
Attilio Turco, Sonetti Veronesi, Verona, Tipografia Operaia, 1924 |
|
Fonte: |
| ← Al Milite Ignoto | Edission e fonte ▼ | Finimola! → |
E ’L PRIMO MAJO1 1922
Fin che a Genova i fà la Confarensa
Par mètar pace in tuto ’l mondo intiero;
Fèmoghe vèdar come che se pensa
Noaltri, italiani, calcoladi zero!
Fèmoghe vèdar d’essar la semensa
De quel che s’à ciamà Romano Impero,
Che à lassà ’l segno de la so potensa
In quasi tuto quanto l’emisfero!
Fèmoghe vèdar, fioi, che ’l Primo Maio,
L’è deventà la festa del lavoro
Par riposarse e par ciapar coraio
A far progressi in pace e con decoro
E l'Italia portarla a quela altessa
Che merita el so onor, la so belessa!
- Note
- ↑ Majo ― Maggio.