Verxi el menu prinsipałe

Wikisource β

La conferenza

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
La conferenza
XX secolo
Edission e fonte ▼
[p. 82 modifica]
LA CONFERENZA.


La sala xe più ciara che de giorno;
Sie file de poltrone xe ocupade
De siore e signorine profumade;
Do critici, che gira e varda 'torno...
Qnalche marì, che dormi, e qualche sposo
Fa de «pùblico scielto e numeroso!»

Do batude de man: ecolo qua,
Vien el conferenzier: xe una velada,1
Stivai de laca; e subito un'ociada
Svola sul manoscrito, co 'l lo gà...2
E secondo che 'l xe più o meno grosso,
Più o meno resta 'l publico comosso!

Un sorseto de aqua e una tossida;
E po 'l scominzia; el disi quatro fote,3
Roba vecia, stravecia e bonanote..
— Orpo che longa! ― Cossa, za finida? —
Un aplauso, un bancheto per la scienza...
Eco cossa che xe una conferenza!



Note
  1. velada, marsina
  2. co'l lo ga, quando lo ha
  3. 'l scominzia, incomincia; quatro fote, quattro sciocchezze, quattro corbellerie.