EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.

[p. 405 modifica]

LA CORISPONDENZA.


Un fogio t'ò mandà, Betina cara,
     Nel qual mi te parlava de l'amor
     Che porto al to museto, e de l'ardor
     4Che m'à impizzà la to belezza rara;

Ma ti, cagnazza, a la mia pena amara,
     Mentre che mi tuto te dago el cuor,
     D'una letera toa darme l'onor
     8Gnanca ti vol? Oh ti xe pur avara!

Un fogio too lo pagaria un zechin,
     E to conservarave, tel protesto,
     11Come una zogia sempre nel borsin;

Se contentar no ti me vol in questo,
     Tornime donca el mio, che, poverin,
     14Farò ch'el serva per forbirme el cesto.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_corispondenza&oldid=47871"