La guera de ancò

by Attilio Turco

3 La guera de ancò Sonetti Veronesi Sonetti Veronesi/Parte V - Trento e Trieste Sangue talian! El bando de la mesa-note Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte V - Trento e Trieste

La guera de ancò

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  Sangue talian!

Edission e fonte ▼

El bando de la mesa-note  →

LA GUERA DE ANCÒ

Vardè come l’è fata ancò¹ la guera:
     ’Na roba, fioi, che mai no se pensava;
     No’ s’è sicuri in mar, nè in siel, nè in tera,
     Par quanto che se gabia² gente brava.

Ieri, deboto,³ ’na torpedeniera,
     Gh’era un sotomarin che la fondava;
     A ’n aroplano da la crosse nera
     Sento s-ciopi e canoni i ghe tirava!

’Na bomba l’è cascà sora⁴ un palasso,
     L’à copado⁵ ’na vecia e 'na putina
     E 'n artiglier la gà ferido un brasso!

S'à salvà quei che gh’era zo in cantina:
     Che i à spetado el Rengo che ’l li ciama...⁶
     La tera, fioi, l'è la gran nostra mama!

---

Note

1. ancò ― oggi;
2. se gabia ― si abbia;
3. deboto ― quasi;
4. sora ― sopra;
5. copado — ucciso;
6. Rengo che 'l li ciama — il rengo avvisava quand’era terminato il pericolo degli areoplani.