La letera de la mama
|
Edission original: |
Maria Pezzè Pascolato, Versi Veneziani, Milano, 1928 |
|
Fonte: |
| ← Epifania MCMXVIII | Edission e fonte ▼ | Fiume → |
.jpg)
mai no gavaria credesto
De respirar perchè ti resti là:
Pur so’ arivada a dir: No, massa presto!
Guai, ma guai se la pase adesso i fa!
Co ti ardevi de se’ sul Monte Santo,
Co ti pativi el fredo nel Trentin,
Spasemando per ti go pregà tanto:
Signor, fe’ che sti orori gabia fin!
E co ti geri in te l'ospealeto
Da campo, ancora go pregà cussì:
Ma xe vegnudo el crolo: Caporeto....
Tuto xe gnente se penso a quei dì!
E adesso, adesso per pararli fora
I canoni ghe vol, no pena e ingiostro:
Pestarli ben, che i stampa via, che i cora,
No che i ne buta là quel che xe nostro.
Ah, del Sessantasie i ne ga dito
Che far la guera l'Italian no sa?
Vardè: le strade del nostro dirito
Col sangue i nostri Eroi ve ga segnà.
Per tuti i sacrifizi che s'ha fati,
Per i morti d'Italia e per l’onor,
No se pol più coi barbari far pati,
No se fa pati, no, co l’invasor.
Fio mio, fio mio, no gavarìa credesto
D’esser contenta che ti resti là;
Ma, pur che no i finissa tropo presto,
Te benedisso, e sofro ancora un fià.
11 Ottobre 1918.
.jpg)