EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.

 Edission original:   

Attilio TurcoSonetti Veronesi, Verona, Tipografia Operaia, 1924

 Fonte:

Indice:Attilio Turco - Sonetti Veronesi.djvu

←  In çerca de casa Edission e fonte ▼ So mojer  →
[p. 71 modifica]
LA LUNA


El Sol volea sposàrse co la Luna,
     E 'l gh’era proprio inamorado coto;
     Ormai par lu no’ gh’era più nessuna
     Che ghe podesse star sora, nè soto!

Ma prima de tocar 'sta gran fortuna,
     L’è andà da Baco a domandarghe el voto;
     Baco ’l gà dito, verzendode una
     De quel più stravecion de Castelroto,1

— La Luna la sarèa ’na bona fiola,
     Ma, porco-gal, la g’à più d’un difeto:
     A sbrindolon la và de note sola,

La mostra i quarti a tuti par dispeto,
     E ’l pezo l’è, 'sta mata da cadena,
     Che tuti i mesi... te la vedi piena! —



Note
  1. Castelroto ― Castelrotto; Località nel cuore della Valpolicella, rinomatissima per i suoi ottimi vini.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_luna&oldid=71578"