La mama e la maestra
|
Edission original: |
Vittorio Vitturi, Strade e vicoli, Rime veronesi, Verona, Fratelli Drucker editori, 1907 |
|
Fonte: |
| ← In camposanto! | Edission e fonte ▼ | Che protetor! → |
LA MAMA E LA MAESTRA
La lo guarda maestra sto birbante
Come l’è sporco; de son proprio stufa:
La ’l guarda qua che figureta bufa,
E si che ghe ne fasso tante e tante...
Me lo lavo dal col fin a le piante
E dopo un giorno lu l’è pien de rufa;1
Ogni matina femo ’na barufa,
E de le sberle2 el ghe ne ciapa, e quante!
La tento in tuti i modi, mi, la tento,
Ma el me lassa che çiga e che me sgola,
Le me parole i è butade al vento!
Bisogna proprio che la lo svargogna:
El primo giorno che el vien sporco a scola
La me lo lava ela, sta carogna!
- Note