La margarita de Trento
|
Edission original: |
Berto Barbarani, I due canzonieri, Verona, P. Apollonio, 1917 |
|
Fonte: |
| ← La Nina che ride e la Nina che pianse | Edission e fonte ▼ | La mora del ponte → |
LA MARGARITA DE TRENTO.
Più che me perdo in meso ai monti, imparo
el cantar de le aque e de le piante,
in compagnia de un campanil distante
che me parla el dialeto montanaro;
e soto ai foghi de un tramonto ciaro,
sentà su l'erba e contornà da tante
margaritine de l'amor parlante,
pensar de voia a ci me sa più caro.
O margarita dal vestito a stela,
se te cavo le foie a una, a una,
pian, sensa farte tanto mal, così...
Vuto mai dirme se sta tera bela
'na qualche volta g'avarà fortuna?
― L'ultima foia l'à dito de sì.