La mia Ninetta
La mia Ninetta
Xe fatta a calzetta,
L'è larga, l'è stretta,
L'è come i la vol.
5Gavè el soravento,
L'è trista e commossa,
Seu1 coto, seu dentro,
La xe un'altra cosa,
La onze, la ponze,
10La pianze e la dol.
Sospira un moroso,
La 'l tratta con arte.
Solfeggia un virtuoso,
La passa la parte,
15La intona, la stona,
La tocca el be mol.
Seu poco sicuro;
Culia ve consola;
Seu fermo, seu duro,
20Culia no ghe mola;2
La strenze, la spenze,
Resista chi pol!
In somma, Ninetta
Xe fatta a calzetta,
25L'è larga, l'è stretta,
L'è come i la vol.
- Note (da l'edizion del 1829)