La mia donna dormiva co un cussin
|
Edission original: |
Maffio Venier. Canzoni e sonetti. |
|
Fonte: |
| ← Venieresca VI. Occhi belli, occhi dolci, occhi mie cari | Edission e fonte ▼ | Venieresca VIII. Da un esercito estremo circondà → |
La mia donna dormiva co un cussin
Sotto del cul con le gambe sberlae,
Co un saor, co una lascivitae
Da far strazzar el sacco a un scapuccin.
Mi che son pi de ogni altro cervelin,
Inanemìo dalla comoditae,
Co i dei pianin ghe aversi le pallae
Per vedarghe ogni liogo e ogni confin.
Che menuzzami, Dio, che tattarette,
Ghe descoversi, che fiumere scose
De sanguazzi corrotti e de marzette!
Se queste che è pi belle e pi famose
Xe desfrassae, puzzolente e imperfette,
Mo co stà el resto? Grame vergognose.