La moda corrente
|
Edission original: |
Collezione delle migliori opere scritte in dialetto veneziano, Volume decimo: Poesie satiriche di Angelo Maria Labia, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 10.djvu |
| Edission e fonte ▼ |
Conzier da furie, mate spiritae;
Cavei sul muso sempre sparpagnai,
Colo nuo afato e in colo ben spalae,
4E do peti mostrar sempre spacai;
Un tagio sul bustin da relassae,
Sporto in fora da drio come i tolai,
Cotole e veste curte e curte assae,
8E sfiamesanti veli sui cendai;
Calza bianca e mulete e gran cordele,
Puzae con languidezza sul Servente,
11Caminar da pitoche o Buranele;
Ochio lascivo in ziro e seducente;
Sedizioso el parlar, sia brute o bele,
14Questa in le Done xe moda corente.