La musina

by Attilio Turco

3 La musina Sonetti Veronesi Sonetti Veronesi/Parte II - Me morosa La man de bianco Gnente miserie Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte II - Me morosa

La musina

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  La man de bianco

Edission e fonte ▼

Gnente miserie  →

LA MUSINA

’Na volta la m’à dito me morosa:
     — Vu-to che femo un poca de musina?...¹
     Soto la ciave² de ’sta cassetina
     Metemo via ogni giorno qualche-cosa...

Fando³ la spesa in piassa a la matina,
     S'anca ai bancheti i me dirà tegnosa,
     Voi, par quel tempo che sarò to sposa,
     Spilarghe fora⁴ qualche palanchina...

E ti sèrca de far economia...
     Qualche goto de vin... qualche toscano..
     No se sa mai..., se vien 'na malatia..

Gavemo da ’na parte qualcosseta..
     E pò, te sè... te m’è promeso st’ano...
     Al giorno del me nome.. ’na bluseta. —

---

Note

1. musina - salvadenaro;
2. ciave - chiave;
3. fando - facendo;
4. pilarghe fora - tener indietro.