La notte xe bella
|
Edission original: |
August Kopisch, Agrumi, Berlin, Verlag von Gustav Crantz, 1838 |
|
Fonte: |
| Edission e fonte ▼ |
La notte xe bella
(Venezia.)
La notte xe bella,
Fa presto Ninetta,
Andemo in barchetta,
I freschi a ciapar.
Che gusto contarsela5
Soletti in laguna,
È al chiaro de luna
Sentirse a vogar!
A Toni gho dito
Ch’ el felse ne cava,10
Per goder sta bava,
Che supia dal mar.
Ti pol de la ventola
Far senza, mia Cara,
Che i Zeffiri a gara15
Ne vuol sventolar.
Se ghe fra di lori,
Che, troppo indiscreto,
Osasse dal petto
El velo strappar,20
O pur su i Zenochi
Le alete fermando
Maggior contrabando
Tentasse de far:
Non bada a ste frotole,25
Soletti nù semo:
E Toni el so remo
L’è attento a menar:
Nol vede, nol sente,
L’è un omo de stucco,30
Da gonzo, da cucco,
A tempo el sa far.