La regata (Attilio Sarfatti)

by Attilio Sarfatti

3 XXXII. La regata
(a Eugenio Checchi) Rime veneziane Libro Primo XXXI. Proximus tuus! XXXIII. Laura Attilio Sarfatti 1892 XIX

poesie

Attilio Sarfatti ―  Rime veneziane  ―  Libro Primo

XXXII. La regata
(a Eugenio Checchi)

1892

Edission original:	Attilio Sarfatti, Le Rime Veneziane e Il Minuetto, Milano, Fratelli Treves Editori, 1892
Fonte:	Indice:Le Rime Veneziane e Il Minuetto.djvu

←  XXXI. Proximus tuus!

Edission e fonte ▼

XXXIII. Laura  →

XXXII.

LA REGATA

(A EUGENIO CHECCHI)

1

In batelo, in peata, in gondoleta,
Sule rive, ai balconi, rampegai¹
Sui tragheti, sui copi, sui ferai,²
Tuti parla, se spenze, e tuti aspeta.

Passa intanto le splendide bissone³
De damaschi coverte e de corone.

Svola scomesse per la gran regata...
Ma i ga sbarà el canon... nissun più fiata.

2

Ecoli, ecoli qua - vien primo el bianco,
Po' el maron, el çeleste, el rosso, el viola.
Varda come ch'el verde ghe sta in fianco,
Eh! Zata e Madalena no ghe mola.

Povaro zalo, in coa: varè! varè!
Ocio ai granzi, doman ghe arivarè.⁴

El verde e el rosso ga zirà el paleto,⁵
Xe terzo el bianco, el viola ga'l porcheto.⁶

---

Note a cura de l'autor

1. Arrampicati.
2. Fanali.
3. Gran barche rappresentanti pesci, uccelli marini, ecc., che, per antico costume, vengono apprestate in codeste occasioni.
4. Il popolo suole motteggiare con simili esclamazioni chi arriva ultimo.
5. È un palo fisso nell'acqua, il quale devono girare i regatanti prima di tornare al luogo ove vengono aggiudicati i premi.
6. Per vecchia costumanza l'ultimo dei premiati riceve una bandiera e un piccolo maiale - gli altri una bandiera e una somma di denaro.