La sagra del Rosario
|
Edission original: |
Vittorio Vitturi, Strade e vicoli, Rime veronesi, Verona, Fratelli Drucker editori, 1907 |
|
Fonte: |
| ← 'Orchi de schei! | Edission e fonte ▼ | In camposanto! → |
LA SAGRA DEL ROSARIO
(A Santa Nastasia)
L’è el giorno del Rosario e in quel ceson
Quanta gente ghe core! Che sagron!
L’altar de la Madona,
Pien de adobi e de fiori,
De quadreti e de còri
Che la gente ghe dona,
Fra tuto quel slusòr1 de le candele
El par un trono çircondà de stele:
E su, da l’organo, vien fora un son
Ch’el fa pensar, ch’el mete divossion.
Pitochi e siori i prega la Madona,
E i la prega de cor sta Mama bona!
Ma la Madona con quei cari oceti
La ride più de tuto a i pöareti...
Ela, de le sovrane la sovrana,
L’è proprio democratica cristiana!
- Note