La sessolota

by Edoardo Borghi

4 La sessolota Edoardo Borghi XIX Canzonete triestin

Indice:Trieste vernacola.djvu

Edoardo Borghi

La sessolota

XIX secolo

Edission original:	Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920
Fonte:	Indice:Trieste vernacola.djvu

Edission e fonte ▼

LA SESSOLOTA.

De Rena,¹ de via Giulia o via Remota,
De l'arsenal, de Greta, o de Rozzòl,
Xe tuto istesso, bela sessolota,
Te resti sempre quela, e chi te pol?²

     Ti xe fra i tipi strambi, antichi e veri,
     El tipo triestin più ben stampà,
     E come per Venezia i gondolieri
     Ti xe per noi la gran specialità.

Mostricia!³ me inamoro co te trovo
A involtizzar naranze, in negligè,
In qualche magazin o al porto novo,
Fra droghe, gome, pevare⁴ e cafè

     Cussì ti piasi e ti inamori tanti
     Col strassino spontà,⁵ ma più fedel;
     Con una grossa strazza⁶ sul davanti,
     Con do zavate⁷ e 'l sacco sul zervel.

Ti canti passegiando per le strade
Cole bandete⁸ longhe e 'l fior sul sen,
Nè lussi no ti fa nè spampanade;⁹
Cussì ala bona, tuti te vol ben.

     Quei oci, sessolota birichina,
     Quel'anda,¹⁰ quel tuo far simpaticon,
     Se pol giurar, xe roba triestina,
     Bisogna dirte, dài, ti xe un bonbon.

---

Note

1. De Rena, ecc., contrade di Trieste
2. e chi te pol, e chi ti vince? chi può competere con te?
3. mostricia, birbacciona, birichina
4. pèvare, pepe
5. col strassino spontà, con lo strascico spuntato, cioè non appuntato, lacero
6. strazza, cencio
7. zavate, ciabatte.
8. le bandete, i cernecchi
9. spampanade, millanterie. Il vocabolario di Rigutini e Fanfani registra «spampanata» con l'annotazione «voce familiare»
10. anda, andatura.