La spesa in piassa de le Erbe

by Berto Barbarani

4 La spesa in piassa de le Erbe I sogni Libro III.° — IN CITÀ E IN CAMPAGNA I ultimi molini Consili Berto Barbarani 1922 XX Poesie veronese

Indice:I sogni.djvu

Berto Barbarani ―  I sogni  ―  Libro III.° — IN CITÀ E IN CAMPAGNA

La spesa in piassa de le Erbe

1922

Edission original:	Berto Barbarani, I sogni, 3° Canzoniere, Verona, Mondadori, 1922
Fonte:	Indice:I sogni.djvu

←  I ultimi molini

Edission e fonte ▼

Consili  →

LA SPESA IN PIASSA DE LE ERBE

Bel tempo, che piove!

— Comare, bongiorno!
— Bisogna che scapa...

(e no le se move)

5La Tor¹ fa le nove
segnando la tapa...

Notissie?

— Nissuna:

Marì co la luna,
10i fioi ne la stala,
el porco in la cuna,
la lissia nel forno...²

— Comare, bongiorno!
— El pan da lavare...
15— Bongiorno comare!
G'ò tanto da fare...

—La vita l'è cagna;
—Abasso ci magna!³
 (la piova le bagna)
20—Gran porco paese!
—Ben 'nemo a far spese...

La Tor fa le diese!

---

Note a cura de l'autor

1. la Tor: la torre dei Lamberti, che domina la celebre piazza delle Erbe.
2. Scherzo popolare di campagna, che indica confusione.
3. Nel senso di chi sfrutta il mercato.