Lamentazione al prefetto di Venezia

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Pietro Buratti

Lamentazione al prefetto di Venezia

1812

Edission original:	Collezione delle migliori opere scritte in dialetto veneziano, Volume ottavo: Poesie di Pietro Buratti, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 8.djvu

Edission e fonte ▼

Altra edizion: Lamentazione al Prefetto Galvagna pel Blocco di Venezia (1823)

[p. 11 modifica]

LAMENTAZIONE

AL

PREFETTO DI VENEZIA

DURANTE

IL BLOCCO DELL'ANNO 1812¹

Co le lagreme su i ochi
     E col cuor tuto strazzà,
     Puzo in tera i mi zenochi
     4E domando a vu pietà.
Per la patria la domando
     Che xe in fregole ridota,
     Che va in coro sospirando;
     8Che ghe manca la pagnota!
Per la patria che regina
     Del so mar un dì xe stada,
     Finche un beco da rapina
     12Senza corno l'à lassada;
De quel corno che valeva

[p. 12 modifica]

     Assae più d'una corona,
     Che per tuto la rendeva
     16Rispetabile matrona;
Che dai ani cariolà,
     Benchè re de tuti i corni;
     Su l'altar de libertà
     20L'à finìo, da porco, i zorni.
Gran memorie, Consegier!
     Per chi à visto sto paese,
     Sede un tempo del piacer,
     24Rovinà dal mal francese!
Per chi in mente ga la storia
     De sto povero paluo,
     Dopo secoli de gloria
     28E venduo e revenduo;
Per chi à visto el rosto infame
     De la fezza democratica
     Superar l'ingorda fame
     32De la fezza aristocratica;
Per chi pensa a la burlada
     Che n'à dà la Franza indegna,
     Co za gera decretada
     36Ai Tedeschi la consegna;
Nel momento che inzucai
     Se balava el menueto
     Per un palo infatuai²

[p. 13 modifica]

     40Che à durà manco de un peto!
Mi no vogio su sti mali
     Farve qua da Geremìa,
     I xe tropo universali
     44Per cuniarve un'elegìa;
I xe fioli inseparabili
     D'una machina disciolta,
     I xe mali ireparabili...
     48Vien per tuti la so volta.
Come l'omo, ogni Governo
     Ga piaceri, ga dolor,
     Gnente al mondo gh'è d'eterno
     52Tuto nasse, vive e mor.
Vogio ben che i Peruconi³
     Carghi i fusse de pecai,
     No lo nego, ma co . . . . . !
     56Tropo avanti semo andai!
Tropo meterne a le prove,
     Per saldar quel so librazzo,
     Vol da l'alto el padre Giove!
     60Tropo el fa de nu strapazzo.
Da l'Inglese prepotente
     Xe in caena messo el mar,
     Da la tera no vien zente,
     64No vien roba da magnar.
     L'orbo, el zoto e l'impiagà

[p. 14 modifica]

     Come prima va cercando;
     La bandìa mendicità⁴
     68Torna fora e sta de bando.
Su l'ancuzene el martelo
     Più dal fravo no se pesta,
     Ogni artista varda el Cielo
     72Sfregolandose la testa.
El paron se avezza solo
     A servirse come el pol,
     Ai tragheti no fa nolo
     76E bestemia el barcariol.
Tase el foro, el magistrato,
     E ghe resta drento in gola
     Senza fruto a l'avocato
     80El bel don de la parola.
Ogni zorno, pien de fufa,
     El signor bate la luna;
     Col Governo el fa barufa
     84Per salvar la so fortuna.
No xe i bezzi che un augurio
     O d'imposta o de preson;
     E tra i Numi el Dio Mercurio⁵

[p. 15 modifica]

     88Spiega solo protezion.
Consegier, la strenze assae!
     Consegier, per Dio, che tremo
     Che a ste misere palae
     92No ghe resta apena el remo!
Che in mancanza de biscoto,
     Pezo ancora dei Soldai
     No dobiemo de sto troto
     96Magnar sorzi scortegai.
Oh che quadro, se ne toca
     Sto gran calice ingiotir!
     Perdonè se el pelo d'oca
     100Mi me fazzo ancuo venir;
Se copà da tanti mali
     El vernacolo mio pletro
     Se desmentega i so sali
     104E ve intona un novo metro.
Lo so ben che al limbo semo,
     Lo so ben che vita o morte
     Aspetar nu qua dovemo
     108Dai caprici de la sorte;
Che ridoti senza un bezzo
     (Purchè abiemo un dì vitoria)
     S'à da meterghe un gran prezzo
     112Nel vocabolo de gloria;
Che la lota xe ostinada,
     E che arbitrio no ghe avanza
     A chi fede ga zurada

[p. 16 modifica]

     116Al sovrano de la Franza:
Ma so ancora che Natura
     Ga po in tuto la so dose;
     Che in sta oribile tortura
     120La pol forsi alzar la ose.
Parlo a un omo de talenti,
     Parlo chiaro, e son sicuro
     Che no passa i mi lamenti
     124I confini de sto muro;
Che bandìa da tuto el mondo,
     In sta tavola, in sto logo,
     Co un filosofo de fondo
     128Verità pol farse logo.
Quel bel cuor fato de pasta
     Spalanchèlo, Consegier,
     Za lo so ch'el ve contrasta
     132Coi doveri del mestier!
Siene d'argine a l'urgenza
     Del bisogno militar,
     Qualche drama de clemenza
     136Nel dirito feghe entrar,
Che za presto in Ciel maùro
     Sto nembazzo sbrocarà,
     E un Pianeta manco scuro
     140Tanti mali sfantarà.

Note a cura de Bartolommeo Gamba (1817)

↑ Il Poeta colse un amarissimo frutto da questa Composizione letta alla tavola del Prefetto, e sparsasi poi in copia. Serras, Governatore di Venezia, lo fece arrestare e condur prigione.
↑ L'Albero della Libertà.
↑ I Nobili Veneziani.
↑ La mendicità fu bandita sotto i Francesi, ed i poveri chiedenti pane per le strade furono provvidamente raccolti in un luogo apposito.
↑ In compenso delle imposte forzose davano i Francesi, durante il blocco, partite di argento vivo in ipoteca.

[1] Il Poeta colse un amarissimo frutto da questa Composizione letta alla tavola del Prefetto, e sparsasi poi in copia. Serras, Governatore di Venezia, lo fece arrestare e condur prigione.

[2] L'Albero della Libertà.

[3] I Nobili Veneziani.

[4] La mendicità fu bandita sotto i Francesi, ed i poveri chiedenti pane per le strade furono provvidamente raccolti in un luogo apposito.

[5] In compenso delle imposte forzose davano i Francesi, durante il blocco, partite di argento vivo in ipoteca.

1

2

3

4

5