Le Disgrazie
|
Edission original: |
Collezione delle migliori opere scritte in dialetto veneziano, Volume duodecimo: Poesie di autori diversi, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 12.djvu |
| Edission e fonte ▼ |
Se vago per trovar un amalà,
L'è andà fora de casa, el xe guarìo;
Se, piovendo, d'ombrela son munìo
4Porto un intrigo, che bon tempo fa;
Se col caldo vestir me vòi da istà
Fa fredo un'ora dopo, e m'ò sfredìo;
E se de star in quiete ò stabilìo
8Son da diese persone tormentà;
Se vago in Piazza perdo el fazzoleto,
Ogni cossa che compro i me la sprezza,
11Machio el tabaro el primo dì ch'el meto;
Son fortunà in amor co l'oridezza,
E se vogio frezzar un bel viseto,
14Cupido no à per mì nissuna frezza.