Le Quatro Stagion/La Primavera

by Anton Maria Lamberti

Le Quatro Stagion I. La Primavera II. L'Istà

Anton Maria Lamberti

Anton Maria Lamberti

Le Quatro Stagion

I. La Primavera

XVIII secolo

Edission original:	Collezione delle migliori opere scritte in dialetto veneziano, Volume primo: Poesie di Anton Maria Lamberti, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 1.djvu

Edission e fonte ▼

II. L'Istà  →

LA PRIMAVERA

Quatordes'ani,
     Poco de più,
     Do ochieti umani
     Che varda in su,
     5Ma che ogni silaba
     Li fa sbassar,
     Un par de lavri
     Da sbasuchiar.
     Ghe vedè in viso
     10Vivo el color,
     Ma un scherzo, un riso
     Ve lo sa tor.
     Xe i cavei l'ebano
     Neto, lustrà;
     15Se la vol riderve
     Le perla è là.
     El colo è bianco;
     Colmeto el sen,

     Xe tondo el fianco,
     20Xe 'l brazzo pien.
     Gamba sveltissima,
     Scarmo el penin,
     Le carne morbide,
     E tuto fin.
     25La Primavera,
     Za la vedè,
     E viva e vera
     Sta puta xe;
     E la xe amabile,
     30Gavè rason,
     Ma, assicurevelo,
     No è tuto bon.
     L'è tropo acerba,
     Mi son sincer,
     35E un fruto in erba
     No dà piacer;
     Che se scampandone
     La vol scherzar,
     Sempre no comoda
     40Quel so scampar.
     La stà un momento,
     Mai co' se vol,
     E sempre a stento,
     Sempre ghe diol.
     45Se la ve cocola,
     La fa sentir

     Un fredo, un grizzolo
     Che fa dormir;
     Per un impianto
     50Ghe pianze el cuor,
     Ma tanto pianto
     No ga savor.
     Dolce è la colera;
     Se la ghe va,
     55Ma dura el nuvolo
     Più de l'Istà.
     Xe belo tuto,
     E fresco e san,
     Ma acerbo è 'l fruto
     60Col tolè in man.