EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.

[p. 405 modifica]

LE DISGRAZIE.


Se vago per trovar un amalà,
     L'è andà fora de casa, el xe guario;
     Se, piovendo, d'ombrela son munio
     4Porto un intrigo, che bon tempo fa;

Se col caldo vestio me voi da istà
     Fa fredo un'ora dopo, e m'ò sfredio;
     E se de star in quiete ò stabilio
     8Son da diese persone tormentà;

Se vago in piazza perdo el fazzoleto,
     Ogni cossa che compro i me la sprezza,
     11Machio el tabaro el primo dì che 'l meto;

Son fortunà in amor co l'oridezza,
     E se vogio frezzar un bel viseto,
     14Cupido no à per mi nissuna frezza.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Le_disgrazie&oldid=47896"