Le proteste

by Attilio Turco

3 Le proteste Sonetti Veronesi Sonetti Veronesi/Parte V - Trento e Trieste La providensa I dolsi Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte V - Trento e Trieste

Le proteste

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  La providensa

Edission e fonte ▼

I dolsi  →

LE PROTESTE

Se discore, par via de alsar la gresta:¹
     ’Na volta, se, par caso, in qualche sito
     Gh'era un fanal, che no ’l fasea pulito,
     Se mandava ai giornai la so protesta;

E se disea: l'è ’na vergogna questa!
     Con tuto che se paga tasse e afito,
     Che no se veda, un pochetin de drito
     In quei che de ’ste cose iè a la testa!...²

Adesso, che de sera par le strade
     No se ghe vede gnanca a bestemiar,
     Se tase, se se dà le sburtonade...³

E no se pensa più de protestar:
     La guera, la n'à dà dei dispiaseri,
     Ma la n’à fato deventar più seri!

---

Note

1. alsar la gresta ― protestare;
2. iè a la testa ― sono a capo;
3. sburtonade ― urti per incontro di persone