Letera ala Signora A. S.
|
Edission original: |
Lodovico Pastò, Poesie edite ed inedite de Lodovico Pastò venezian, scritte nel so natural dialetto, Venezia, Giuseppe Molinari, 1822 |
|
Fonte: |
Indice:Poesie edite ed inedite de Lodovico Pastò venezian.djvu |
| Edission e fonte ▼ |
LETERA
ALA SIGNORA A. S.
- Parona benedeta.
Se ghe fusse abondanza de paneti, de polenta, de lardo, de castrà, de sardele salae, de bacalà, come ghe xe abondanza de soneti: no ghe sarave al mondo povereti, che andasse domandando carità, tuti ghe n'averave a sazietà, tuti saria contenti, tuti quieti: me scusarè perciò, siora Tonina, se no fazzo un soneto a vostro Fio, che canterà el prefazio sta matina. El merita un poema, vivadio! e ghel farave; ma no go farina; me ne consolo donca, e basta. Adio
- El V. B. Serv.
- N. N.