M'hà parso de veder sù d'un balcon
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Incauta la Natura nel formar | Edission e fonte ▼ | Gò visto l'altro zorno 'na puttana → |
M'hà parso de veder sù d'un balcon
Un Visetto geniale, bianco, e rosso,
Al mio costume me tirava el cosso,
4E 'l stava duro, che 'l parea un speron;
Allora mi per no parer cogion
Vago sù per le scalle, e mentre addosso
Mi ghe voleva andar, ghe vedo el gosso,
8Che 'l pareva una pogna da cappon,
Alzo sù le carpette, e stomegose
Ghe vedo le culate, e pò ghe sento
11Un busetto più largo de sìe nose.
Sentì la mia forcuna, e abbiè spavento,
Davanti gò trovà tre sole cose,
14Do panocchie, el Marchese, e 'l scolamento.