Ma, chi me dise a mi...
|
Edission original: |
Giuseppe D'Alpaos, Svoladine e refoli, Venezia, Fratelli Visentini, 1897 |
|
Fonte: |
Indice:D'Alpaos - Svoladine e refoli, Venezia, Visentini, 1897.pdf |
| ← Se dise | Edission e fonte ▼ | Basi... gnente → |
MA, CHI ME DISE A MI...
Nualtri semo qua che se godemo
Soleti a far l'amor sentai in altana,
E tra un baseto e l'altro respiremo
La bava che ne vien da tramontana!
Intanto che del cuor se confidemo
Le pene e i desiderï che ne afana …..,
La Luna varda fissa..., e nu pensemo
Se vèder la ne pol... cussì lontana!
Ma chi me dise a mi, cara Marieta,
Che anca là no viva de la zente
Curiosa de vardar in sto pianeta...
E gabia za inventà una çerta lente
Che vèder la ghe fazza ciara e neta
Quel'altra meza luna che go arente?