Madonna, el se rasona assa' de vu

by Maffio Venier

3 Madonna, el se rasona assa' de vu (Sonetto LVII) Canzoni e sonetti Sonetto LVI. Za che a lèzzer, puttana, l'altra mia Sonetto LVIII. Se tutte quelle volte che ve vien Maffio Venier XVI

soneti

Maffio Venier ―  Canzoni e sonetti

Madonna, el se rasona assa' de vu (Sonetto LVII)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

←  Sonetto LVI. Za che a lèzzer, puttana, l'altra mia

Edission e fonte ▼

Sonetto LVIII. Se tutte quelle volte che ve vien  →

Madonna, el se rasona assa' de vu,
E si no se ne dise tropo ben.
Savéu de che? Che vu no havé fren.
E che se cazze un cazzo el tolé su.

Ma el die' esser un cazzo pi culù
Che se 'l lassa cascar, che no sel tien
In braghetto zolao, co se convien,
El no puol se no haver del turlulù.

Ma per dirve da seno alla fè mo',
Questo tuor su che i disse che vu fé,
Vuoi di.... Me criaréu sel digo po'?

Se vu me perdoné, vel digo affè,
Orsù alla carlona vel dirò.
Vuol dir che a tutti quanti ghe ne dé,

E si vu no vardé
Che le persone sia de vostro brazzo,
Tanto havé golla fuor de muodo al cazzo.

So un che ghe n'ha un brazzo,
Ma gramo lu con vu, se vel acuso,
Ghe saré drio co xe la matta al fuso.

Sì, sì, scorléve el muso,
Fè pur la schiva e atto con la bocca,
Che vu se te so dir cazzo de brocca.