Mariegola de la scuola de san Marco dei calegheri
|
Edission original: |
Ugo Levi, I monumenti più antichi del dialetto di Chioggia, Venezia, Visentini, 1901 |
|
Fonte: |
Indice:I monumenti più antichi del dialetto di Chioggia.djvu |
| Edission e fonte ▼ |
In nome de Dio e dela gloriosa Vergine Mare Madona santa Maria e per la gratia del glorioso e benedecto eguangelista, mesier sen Marcho, per nostra devucion e per sustentacion dei homeni chalegeri maistri e lavoranti de questa tera de Chioça, è arlievà questa benedeta compagnia e fradelità de fradaja de la scola del benedeto guagnelista misier sen Marcho; per sua devotion li fa questa mariegola da novo, chè per la perdeda de Chioça el fo persa quella che aveva la dita scuola.
In la qual mariegola vechia se contegniva questo capitolo che dixeva chussì, ch'el non de devesse eser altre persone, so no quelli che lavorava de l'arte dela calegaria, çoè maistri e lavoranti dela ditta arte; e chussì volemo ch'el se oserva.
E sì volemo che tuti i capitolarij, che nui savaremo che i era suxo la mariegola vechia, sia metudi per ordine in questa de tuti i fradeli de la dicta compagnia.
E sì volemo che la festa de mesier sen Marcho, che se fa a dì vinticinque de aprile, al vesparo de la vigilia, (che) sia metudo el confalon in piaza davanti la giesia de misier sen Iachomo per i gastaldi che se trovarà in quel tempo, e che i debia inpiar el cesendelo e impiar i candeloti, eser tuti i fradeli con devocion al dicto vesparo e lo dì dela festa. Ancora meter lo dicto confalom la matina e lasarlo star per infina dicto vesparo; el dì dela festa tuti i fradei debia eser a la messa grande, e quando se vorà dir el guangelio chadun dei fradeli debia portar una candela impiada e meterla a l'altar e star con devocion infina che serà compida la dicta messa; e compida la dita messa, tuti i diti fradeli debia andar in locho honesto e tuti de compagnia far una bona cholacion sichomo fradei e eser tuti de bona voluntae. Si fosse algun de loro, che se portase odio, chadaun sia tegnudi de manifestarli e là farli far bona paxe e concordia.
Anchora avanti che i se parta, i debia far uno gastaldo e un compagno da nuovo, e che i gastaldi vechi debia designar tute le raxon dela dita scuola ai gastaldi nuovi, çoè de fito de chaxe e dela luminaria e de messe, de cera e de tuto quello che aspecta a l'intrada chomo ala 1 insida; el confalum, la cera, i denari e tuto quello che è dela scuola debia consignar entro le man dei gastaldi novi per desegnare sora uno quaderno; e chussì de ano in ano su quel quaderno scrivere quelli che (h)ano le case a fitto, el mileximo, el mexe, el dy.
Anchora volemo che le altre tre feste, che se fa de sen Marcho, i gastaldi debia far dir una messa al dito altar per anima de ser Marin dala Salsa, che laga le chaxe ala dita scuola, e per anema dei fradelli passati de questa vita: e impiar el cesendello, i chandeloti de la scuola; e tuti i fradelli debia esser ale dite messe e pregar mesier Yhesum Christo che de dia paradixo a tuti i fradelli pasadi de questa vita dela dita scuola, e chadaun debia dire XXV pater nostri e XXV ave marie per le anime suò e metter lo chonfalon denanci la giexia i diti dì de misier sen Marcho.
Anchora volemo, che se algun dei fradeli fosse per eser vardado a morte de nocte o de dì, (che) i gastaldi sia tegnudi de comandar a quatro fradelli e quelli sia tegnudi de andar a guardarlo, e darse la muda a do per volta; e quando el non passasse quela nocte, i diti gastaldi debia comandar altri quatro che dia scambio a quelli, e simelmentre, si el fosse de necesso, che i gastaldi sia tegnudi de guardar la soa volta chomo i altri; e si algun de quelli comandadi non volesse andar, truova uno suficiente che vada per lay, e quello pagarlo del so; e sia tegnudi de lavarlo e portarlo ala sepoltura e metter lo confalon in piaça dreto dove serà quel corpo, e in giexia chadaun dei fradelli debia aver una chandella impiada in man de quelle dela scuola, e dirli XXV pater nostri e XXV ave marie per anima soa, e che innanci che passa oto dì da può ch'el serà sopelido, i gastaldi debia far dir una messa a l'altar dela dita scuola per anema soa e dei fradelli pasadi de questa vita e de ser Marin dala Salsa; e lo dì innanci che la sia dita, i gastaldi debia comandar a tuti i fradeli che sia a quella messa, e con devucion dir XXV pater nostri e XXV ave marie per l'anima de quel corpo morto; e quando se leverà el nostro signor Yhesum Christo aver una chandela impiada de quelle della scuola in man de chadaun dei fradelli, e pregarlo devotamentre ch'el dia paradixo a quel'anima e de tuti i fradelli passadi de questa vita e a l'anima de ser Maria dala Salsa.
Anchora volemo che chadaun che vuolla liorar de l'arte, over far l'arte, debia intrar in la dita scuola e pagar soldi X per quel intrar, e s'el può provar ch'el pare o fradello sia stado in la dita scuola, non debia pagar più chomo paga quelli che è in la dita scuola, e questo iera in la mariegola vechia scrito; e se algun de quelli che lavora del dito mestiero non volese intrar in la dita scuola per tristicia o per puocha bontà, algun maistro non i debia dar da lavorar; e se el maistro non volese intrar, simelmentre el lavorente non debia lavorar con quel maistro, e tegnirlo vile e de puocha bontà.
Ancora volemo che sia obligadi sì lavorenti chomo maistri che lavora in una staçon, se lo maistro volese dar combiado alo lavorente, ch'el debia dir a quello lavorente; truovate inviamento, che mi non te posso dar più da lavorar: e quel maistro sia tegnudo de dar da lavorar a quel lavorente dì oto, da può che quel maistro averà dito: truovate iuviamento; e cussì lo lavorente debia far asaver alo maistro digando: io non voio più lavorar con ti, truovate; e quel lavorente sia tegnudo de lavorar oto dì con quel maistro, e ch'el maistro che dia da lavorar a quel lavorente non debia dar lavorieri a quel . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Anchora volemo che ogni anno el dì de misier sen Marcho d'aprile, (che) el sia leta la mariegola a tuti i fradelli e a quelli che intrerà in la dita scuola, perchè quando nesun non obedise le dite condition, che i non ebia scuxa de dir: io non voio eser descaçudo, chè io non lo saveva.
Anchora volemo che da qui innanci, (che) chadaun fradello, che sia dela scola, sia tegnudi de esser al vespero dela viçilia e ala messa granda del çorno de san Marcho de aprile sotto pena de soldi quatro per cadauna fiada, salvo iusto impedimento; il qual impedimento debia eser chiarido per li gastaldi che se troverà per li tempi, over per lo capitolo dela scola; la parte sottoscritta fo de si XIIII e de no nulla.
Ancora volemo che da qui innanci, (che) cadaun fradel sia tegnudo, quando mancarà alcuno fradello2, a compagnarlo ala sepultura sotto pena de soldi sie per cadauna fiada, salvo iusto impedimento; el qual impedimento die esser chiarito chomo è dicto de sopra; la parte sottoscrita3 fo de si XIIII e de no fo nulla.
Ancora è sta presa questa parte, che nessun lavorente nè maistro de l'arte dela chalegaria in questa scuola, s'el non haverà le do parte deli fradeli de sì, non rimagna: et chaso che el romagna, paga ala scuola soldi quaranta per intrada.
Ancora è sta presa quest'altra parte, che nissun non possa far botega nè levar botega del dito mestier, s'el maistro non paga ala dita scuola per levar la botega ducati 130 do. Al chapitolo fradeli tredese; et do de no.
Anchora l'è stato preso per parte, che da mo indiedro chadauno fradello de questa nostra scuola dieba ogni ano nel zorno dela festa de misier san Marco, nostro protector, tuor dala scuola nostra predicta uno4 pan et una candella et pagar soldi quatro per cadauno fradello.
Anchora azò che questa nostra scuola, la qual è impotente et ha bisogno non puocho de aiuto, se possa cum lo poder et aiuto deli sui membri, che siamo nui fradelli, subvegnir nele sue occorente necessità et bisogni, l'è stato preso per parte, che tuti li maistri de botega che sono al presente o che sono stati per lo passato et per lo avegnir vorano far botega, che cadauno, che al presente è maistro di botega, dieba pagar lire tre de piccoli; et simelmente quelli che sano stati et per lo avegnir la vorano renovar, etiam loro pagar diebano lire tre de piccoli; et che li forestieri, li quali per lo avegnir vorano far botega in questa citade, pagar debino a questa nostra scuola ducato uno ananti che loro fazano la botega; li quali tuti danari vadano sempre a benefitio dela scuola.
Item che niuno forestiero possa vender scarpe vechie nè nuove in questa cita, s'el non paga ducato uno ala scuola, excepto a tempi de fiera.
Ala qual balotation et far de Capitolo el ge sono stati fradelli vinti tre, deli quali XXI è stato in favor et doi contrarij essendo stati ballotadi li Capitoli praedicti a bosoli o balote.
Nota. — m finale in luogo di n, che spesso si trova, è da attribuirsi ad arbitrio dell'amanuense e dipende da reminiscenza forse grafica di tale terminazione così frequente in latino.
- Note