Me sento una smania (1817)
|
Edission original: |
Collezione delle migliori opere scritte in dialetto veneziano, Volume duodecimo: Poesie di autori diversi, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 12.djvu |
| Edission e fonte ▼ |
Me sento una smania,
Me sento un brusor
Nel cuor, ne le vissere
4A darme dolor.
Procuro l'origine
Saver de sto mal,
No arivo a comprender
8La causa fatal.
Ch'el fio mai de Venere
M'avesse ferìo?
I dise che perfido
12Xe in fati quel dio;
Ch'el solo so' studio
Xe tesser ingani
Per veder i omeni
16In pianti, in afani.
Ò visto una femena
Un dì d'acidente
A un logo che pratico
20Sentarmese arente;
Con tuta modestia
Discorso ò con ela,
E ò visto con genio
24Che assae l'era bela.
M'à piasso l'amabile
Grazioso so' far,
M'à piasso el melifluo
28So' dolce parlar.
Ah sì! senza dubio,
Cupido xe questo
El qual con insidia
32Colpir m'à volesto.
Epur gera solito
Vantarme che Amor
No à mai possù iluder
36El sciolto mio cuor.
Aimè! tropo incauto
Vantava sto ben;
E lu, tuto invidia,
40M'à dà sto velen;
Velen che ne l'anema
Me dà gran tormento,
E sempre più a cresser,
44Meschin, me lo sento!
Con ela trovandome
El sangue m'impizzo,
Patisso a no vederla,
48M'arabio, m'istizzo;
Oh Dio! se la barbara
No sente pietà,
De mì miserabile
52Mai cossa sarà?
Se mai per disgrazia
Quel cuor xe ritroso
Finìo go de viver;
56Mi moro rabioso.