Mo se per far cognoser chiaramente

by Maffio Venier

3 Mo se per far cognoser chiaramente (Sonetto XXIV) Canzoni e sonetti Sonetto XXIII. Haver mare cattiva e pare avaro Sonetto XXV. No ve maravegié, sia chi se vògia Maffio Venier XVI

soneti

Maffio Venier ―  Canzoni e sonetti

Mo se per far cognoser chiaramente (Sonetto XXIV)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

←  Sonetto XXIII. Haver mare cattiva e pare avaro

Edission e fonte ▼

Sonetto XXV. No ve maravegié, sia chi se vògia  →

Mo se per far cognoser chiaramente,
Amor, che a trar via el mio me fazzo honor,
Fa pur che custìa sapia che ho sto humor
De voler viver vergognosamente.

E se per farme amar, amaramente
Ghe ho da dar soldi, se ghe ho donà el cuor,
E ghe ne incago a chi me porta amor,
Che a sto muodo e' me odia mortalmente.

Amor, la to bevanda xe un velen,
I affronti de custìa xe una triaca,
Che apena l'ho inghiottìa che son stà ben.

No te maravegiar che me destacca,
Seben za puoco haveva el cazzo in sen,
Che mai no l'ho credua cusì gran vacca.