Mo se ti fussi un pochettin pi giotta

by Maffio Venier

3 Mo se ti fussi un pochettin pi giotta (Sonetto LIII) Canzoni e sonetti Sonetto LII. Daspuò l'haver sette anni spasizao Sonetto LIV. Un mondo me xe drio quasi ogni dì Maffio Venier XVI

soneti

Maffio Venier ―  Canzoni e sonetti

Mo se ti fussi un pochettin pi giotta (Sonetto LIII)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

←  Sonetto LII. Daspuò l'haver sette anni spasizao

Edission e fonte ▼

Sonetto LIV. Un mondo me xe drio quasi ogni dì  →

Mo se ti fussi un pochettin pi giotta,
Ti me faressi pi largo partìo,
Che ti sa pur che no manizzo el mio
E che no spendo tanto in una botta.

Se ti ha le mie condicion in nota,
E s'ti sa po che son mezzo fallìo,
Perché donca po far el Chichibìo?
Me fàstu bramar tanto sta to potta?

Cazzo, chi no faràvistu instizzar.
S'ti no me cognosessi, mo dirave
Che ti ha rason s'te ti vuol far pregar.

Mo a sto muodo mi mai te chiavarave.
Che vùstu più de quel che puol montar
E la to serradura e la to chiave?

Mo più tosto vorrave
Romper la chiave e la to serradura
Che spender tanto in t'una chiavadura.