Mona, cosa mai xestu, che ti hà tanta

by Giorgio Baffo

3 Mona, cosa mai xestu, che ti hà tanta Raccolta universale delle opere di Giorgio Baffo Tomo I Se quando, che la testa hò messo fuora Quando se xe per trar l'ultimi peti Giorgio Baffo 1789 XVIII

poesie

Giorgio Baffo ―  Raccolta universale delle opere di Giorgio Baffo  ―  Tomo I

Mona, cosa mai xestu, che ti hà tanta

1789

Edission original:	Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789
Fonte:	Indice:Raccolta universale delle opere di Giorgio Baffo 1.djvu

←  Se quando, che la testa hò messo fuora

Edission e fonte ▼

Quando se xe per trar l'ultimi peti  →

FORZA DELLA MONA

SONETTO

Mona, cosa mai xestu, che ti hà tanta
    Forza, e virtù de far tirar i Cazzi!
    I più savj per ti deventa pazzi,
    4E 'l coraggioso in ti se perde, e incanta.

Quei, che d'esser gran teste se milanta,
    Per ti deventa tanti visdecazzi,
    Ti ti fà i vecchj deventar ragazzi,
    8E ti fà far peccai alla zente santa;

Ti sola ti puol far, che sti avaroni
    Deventa generosi in t'un momento,
    11E che volta bandiera i buzaroni,

Per ti el più desperà resta contento;
    Per ti se perde onor, robba, e cogioni,
    14Mona, mo cosa mai gastu là drento?