Nù, amigo, semo do, che componemo

by Giorgio Baffo

3 Nù, amigo, semo do, che componemo Raccolta universale delle opere di Giorgio Baffo Tomo III Far della bocca un sacco Amigo, voi contarve in t'un Sonetto Giorgio Baffo 1789 XVIII Poesie

Indice:Raccolta universale delle opere di Giorgio Baffo 3.djvu

Giorgio Baffo ―  Raccolta universale delle opere di Giorgio Baffo  ―  Tomo III

Nù, amigo, semo do, che componemo

1789

Edission original:	Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789
Fonte:	Indice:Raccolta universale delle opere di Giorgio Baffo 3.djvu

←  Far della bocca un sacco

Edission e fonte ▼

Amigo, voi contarve in t'un Sonetto  →

AL PREDETTO ABATE FRUGONI.

SONETTO

Nù, amigo, semo do, che componemo
    In versi per dar gusto ai nostri amici,
    Passemo in sta maniera i dì felici,
    4Perchè col verseggiar sempre cantemo.

Per una stessa strada tutti andemo,
    Ma co sta differenza, che vù i rici
    Ghe fè ai vostri poetici caprici,
    8E mi li scrivo, come che parlemo.

La vostra Musa xe 'na Zentildona,
    La mia xe 'na Donnazza Veneziana,
    11Che parla schietto, e và vestìa alla bona.

Ghe vuol de tutto per la vita umana,
    Xe necessario, è vero, la matrona,
    14Ma ghe vuol qualche volta la puttana.