Niove Mistri s'hà messo a far la Potta
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← La Mona xe bona | Edission e fonte ▼ | La xe opinion de quel famoso Frate → |
Niove Mistri s'hà messo a far la Potta,
El primo xe stà 'l Mistro Falegname,
Che, co un manarin dandoghe 'na botta,
4Gà fatto un profondissimo forame.
Xe vegnù 'l Lovo, e 'l gà lassà la fame,
Per questo della carne la xe giotta,
L'Orso gà messo tutto 'l so pelame,
8Per questo se ghe dise la Marmotta.
Gà dà le zatte 'l Granzo, el Can i denti,
L'odor el Baccalà, e la Rengheta,
11E 'l Cospetton el sal per tutt'i venti.
La Lumaga più assae d'una celleta
Gà fatto, e la gà messo i fornimenti,
14E questo è quello, che sempre la peta.