No gh'è gnente de più amabile (1822)

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Lodovico Pastò

No gh'è gnente de più amabile

Edission original:	Lodovico Pastò, Poesie edite ed inedite de Lodovico Pastò venezian, scritte nel so natural dialetto, Venezia, Giuseppe Molinari, 1822
Fonte:	Indice:Poesie edite ed inedite de Lodovico Pastò venezian.djvu

Edission e fonte ▼

Altra edizion: No gh'è gnente de più amabile (1817)

[p. 87 modifica]

I SOLI QUATRO VERSI, CHE L'AUTOR

À IMPROVISÀ IN VITA SOA.

No gh'è gnente de più amabile
     De ti, cara mia Nineta,
     Ti xe piena de grazieta,
     Ti xe bela quanto un fior;
     5No gh'è gnente de più tenero,
     Cara Nina, del to cuor.
Ti xe colta, ti xe savia,
     Ti è impastada de talento,
     No ti è dona, ti è un portento;
     10Ma de quei, che fa stupor;
     No gh'è gnente de più fervido,
     Cara Nina, del to cuor.
Ti xe ti la bela gnognola,
     A Minerva tanto afeta,
     15Ti è la sola mia dileta,
     Ti xe l'unico mio amor;
     No gh'è gnente de più candido
     Cara Nina, del to cuor.